Нов протест во Скопје, земјоделците повтрно ќе излезат на улица.

Здруженијата на сточарите и земјоделците од Македонија го закажаа својот протест за 26 октомври пред владата во Скопје.

По тој повод претседателот на Агроцентар, здружението на земјоделци и сточари од Велес вели овој протест доаѓа по двегодишната нивна борба за нивните права, но до сега не се исполнети.

-Нема покачување на субвенциите, ниту една гранка од земјоделието освен до некоја граница тутунот, ништо не просперира. Имавме ветувања многу, ЌЕ видиме, ЌЕ го земеме во предвид, но се уште немаме никаков резултат, вели претседателот на здружението на земјоделците и столарите.

Тој додава дека субвенциите за сточарството се минимални, па затоа очекуваат масовност на протестот и исполнување на барањата кои веќе сите ги знаат и не отстапуваме од истите.

https://www.youtube.com/watch?v=afujsPVCzBc

за потсетување, ,минатиот месец на протест излегоа лозарите со двочасовна блокада на патот Градско – Прилеп, кај селото Росоман, го изразија својот револт од ниските откупни цени на грозјето. Побараа од министерот за земјоделство поголем слух за нивните барања.

На протестот ненајавено се појави и министерот Трајан Димковски. Во разговорите се вклучи и членот на Извршниот комитет на ВМРО ДПМНЕ Цветан Трупуновски, кој рече дека дошол да им даде поддршка на лозарите. Тој го замоли министерот да си оди и да ги остави земјоделците да си протестираат.

Министерот Димковски вели дека е подготвен со лозарите да разговараат за закон за грозје, но дека цената ја одредува пазарот, а најниската откупна не може да е помала од производната. Најави дека поради ниските цени кои ги нудат винариите, интервентна субвенција ќе има и годинава и таа ќе биде повисока од ланскиот 1 денар по килограм.