Пратеничката од СДСМ, Јагода Шахпаска, е следна во редот на функционерите кои невработеноста во Македонија ја решаваат преку запослување на своите роднини. Таа си го вработила својот зет Антонио Двојаковски во Македонски шуми по договор на дело, а планот е да добие решение после изборите. Шахпаска си ја вработила својата золва, односно сестрата на нејзиниот сопруг, Маја Двојаковска во општина Берово, во која општина се збори дека има превработеност на административци. 

Пеце Мирчевски, директор на СОЗР и партиски функционер на СДСМ си го вработил својот шура Тимчо Биљарски како инспектор во МВР, а како дата на вработување е датумот 31.12.2018, како подарок за на Нова година.

Рекордот засега го држи пратеничката Тања Ковачев од СДСМ, за која во медиумите се обзнани дека си ги вработила: сопругот, сестрата, зетот за сестра и золвата. Таа го вработила сопругот Дејан Ковачев во АД Аеродромски услуги – Аеродроми на Македонија. Потоа си ја вработила сестрата Катерина Хаџиевска Јакимовска во УЈП како инспектор за игри на среќа. Понатаму, пратеничката Тања Ковачев го вработила и зетот за сестра, Бобан Јакимовски, во градското претпријатие Водовод и канализација Скопје. И за да биде цел пакет комплетен со роднинските вработувања, оваа пратеничка си ја вработила и золвата Елеонора Фунду (сестрата на сопругот на Тања Ковачев), која е поставена како претседател на Надзорен одбор на АД Аеродромски услуги Аеродроми на Македонија каде што работи Дејан Ковачев мажот на Тања Ковачев.