Пред извесно време во јавноста излезе аматерска снимка од несреќата во која загина големата коаркарска ѕвезда Коби Брајант.

Имено оваа снимка е воедно и прва снимка направена од несреќата од сведок на немилиот настан.

Станува збор за видео направено од велосипедист кој стигнал на местото на настанот веднаш по ударот на хеликоптерот во ридот каде и се срушил, а денеска видеото било доставено  до телевизија „Си-Би-Ес“, која ги пренесе снимките. Од таму велат дека човекот доброволно го предал видеото, без притоа да бара пари за тоа.

Инаку Коби Брајант загина на 26-ти јануари во Калифорниј. Го загуби животот во голема хеликоптерска несреќа заедно со уште осум други лица, меѓу кои и неговата ќерка Џиана. 

Во меѓувреме американските служби и натаму ги испитуваат причините за ужасниот пад на хеликоптерот.

Инаку денеска во јавноста излезе и веста дека кошаркарска легенда Коби Брајант и неговата 13 годишна ќерка Џиана се погребани на приватна церемонија во Лос Анџелес.

Погребот се одржал на 7 февруари и бил затворен за јавноста, а присутни биле само членовите на семејството на славниот кошаркар.

Јавна комеморација ќе биде одржана на 24.2.2020, датум што симболично го означува бројот на дресот на Мамба, неговата 20 годишна кариера и бројката (2) на дрес што ја носеше неговата ќерка.