Со измените на Законот за спречување на корупцијата се предвидува нов состав на Антикорупциска комисија, се прошируваат надлежностите на комисијата, и се менуваат условите за именување претседател и членови на ДКСК.

-Се прецизираат и зголемуваат надлежностите на Антикорупциска комисија, која ќе биде надлежна да го следи финансирањето на партиите. Во случај на сомневање за незаконито финансирање по соспствена иницијатива ДКСК ќе презема мерки за утврдување на фактичка состојба, рече министерката за правда Рената Дескоска.

Со законот е предвидена и годишна контрола на имотната состојба на претседателот и членовите на ДКСК. А се проширува и кругот на лица кои ќе поднесуваат анкетен лист до ДКСК.

-Покрај сите избрани и именувани, одговорни лица во јавни претпријатија, се предвидува и нотарите и извршителите да поднесуваат анкетен лист до ДКСК и УЈП и изјава за откажување од банкарска тајна, информираше Дескоска.

Измените на законот се на јавна дебата, а министерката очекува што поскоро законот да се пушти во собраниска процедура.