Обиколницата над Битола на магистралниот пат Прилеп – Охрид вечерва е затворен за сообраќај поради свлечиште. Како што информираат од АМСМ патниот правец е затворен во двата правци а возилата се пренасочуваат низ градот.
“Поради свлечиште над патот А3 Битола – Ресен поточно на раскрсница за село Крклино до бензинска пумпа Лукоил кај областа викана Билбил Камен истиот е затворен во двата правци од 19:40 часот.” – се вели во соопштението.
Овој дел од обиколницата беше пуштен во употреба во мај годинава откако беа санирани две свлечишта кои се појавија по големите поплави во Пелагонија во 2015-та година.
Патот повремено беше пуштан во употреба но секое ново лизгање на земјиштето од ридот создаваше проблеми затоа што имаше одрони од камења на коловозот. Најверојатно поројните дождови ова лето повторно активираа делови од ридот поради што оваа делница од вечерва е повторно затворена за сообраќај.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.