Претседателот на медицински центар Маџа Санти, изјави дека при судирите на демонстрантите и полицијата, најмалку 71 лице е повредено.

Маџа Санти, претседателот на медицинскиот центар, рече дека во демонстрацииите кои се случија на улиците во Каракас, 43 лица се повредени со гумени куршуми, а додека пак двајца се повредени со огнено оружје, а 21 лице имаат скршеници.

Венецуелскиот министер за одбрана Владимир Падрино Лопез, рече дека и дека армијата ќе преземе акции доколку е потребно, откако беа објавени снимки од поддржувачите на опозицијата како се упатуваат кон претседателската палата во главниот град на Венецуела, Каракас. Во свое телевизиско обраќање, Падрино изјави дека секој кој насилно ќе дојде до претседателската палата Мирафлорес, ќе биде насилно  и брутално поразен.

Изјави исто така дека Хуан Гуаидо, ќе биде одговорен за секоја жртва која ќе падне на улиците во Каракас.

Вчера на улиците во Каракас се судрија поддржувачите на опозицискиот лидер Хуан Гуаидо и претседателот на Венецуела, Николас Мадуро, откако двајцата побараа поддршка од армијата.
Полицијата во Венецуела фрли солзавец на лидерот на опозицијата Хуан Гуаидо, кога со голема група луѓе во воени униформи се собраа пред воздухопловната база во Каракас.
Во главниот град на Венецуела се случуваше хаос.

На улиците се забележуваа оклопни и полициски возила и како што известуваат медиумите во Венецуела, започна „венецуелското востание“ и граѓанска војна. Гуаидо и Мадуро двајцата тврдеа дека ја имаат целосната поддршка од војската во Венецуела.