Пандемијата на вирусот „Ковид-19“ влијаеше на економијата и работните места во многу земји, а американската меѓународна компанија „Убер“, која организира превоз на патници преку мобилна апликација, отпушти 3.500 луѓе.

Веста за намалување на работните места е сама по себе тежок удар за отпуштените, но уште по шокантно е што компанијата одлучи ваквата вест да ја пренесе на луѓето преку видео конференција.

Пораката до вработените дека веќе немаат работа траела само 3 минути.

“Нашиот бизнис за приватни возачи е преполовен. Помалку луѓе патуваат, нашите услуги се помалку и помалку се бараа и моравме да гледаме како да го спасиме бизнисот. Нема повеќе работа за сите вработени во Убер, па затоа решивме да намалиме 3.500 работни места”, рече Руфин. Севало, менаџер на услуги во Феникс во Соединетите Држави.

На видеото се гледа како една жена плаче додека ја чита порака до вработените дека ќе ги загубат работните места.

Компанијата Убер е основана во Сан Франциско во 2013 година со идеја да поврзе приватни возачи или обични луѓе со мобилна апликација и да превезува патници до посакуваната дестинација, а за многу кратко време се рашири во земји низ целиот свет.

Пробивот на Убер на пазарот на многу земји, како што е Италија, на пример, наиде на отпор и протести од таксистите, кои сметаа дека е нелојална конкуренција.