Жарко Луковски, поранешниот главен извршен директор во „Т-мобиле“, утринава бил да даде исказ во Обвинителството за гонење организиран криминал за случајот „Рекет“, потврдија од Обвинителството за организиран криминал, за Канал 5.

Луковски на сопствено барање, во својство на сведок, утринава се појавил во Обвинителството за да го дополни исказот, кој пред обвинителите за „Рекет“ го дал претходно во постапката.

Како што можеше да слушне и целата јавност името на Луковски се слушаше и во аудио разговорите кои ги објави „Ла Верита“. Во тој разговор се слуша како Бојан Јовановски – Боки 13, во разговор со Орце Камчев, вели дека „Луковски завршил работа за случајот со базните станици – и во СЈО и во Владата“.

Луковски е и меѓу осомничените во предметот на СЈО – „Базни станици“, каде се товари дека злоупотребил околу 3,5 милиони евра, бесправно легализирајќи ги дивите базни станици, а е дело кое го води обвинителката Лиле Стефанова.