По реакциите на грчкиот претседател за членот од Уставот на Македонија во кој единствено останува името Македонија, извори од Владата лиферуваат дека премиерот се обидува да најде компромис.

Имено т.н. барања на Канческа Милевса кои во целост правно се регулирани со Преспанскиот договор, како информираат биле само параван за оваа забелешка која ја имал целиот преговарачки тим на Грција, на чело со Ципрас и поранешниот министер Коѕијас.

Заев и Канческа Милевска ги измислиле фиктивните амандмани со цел да се обидат на јавноста да и прикажат добрососедсто разбирање и соработка, со што Грција би ги прифатила амандманите на Канческа Милевска кои постојат, а Заев би прифатил корекција и во член 36.

Членот  36 од Уставот на Република Македонија гласи:

Републиката им гарантира посебни социјални права на борците од Антифашистичката војна и од сите националноослободителни војни на Македонија, на воените инвалиди, на прогонуваните и затвораните за идеите на самобитноста на македонскиот народ и неговата државност, како и на членовите на нивните семејства кои немаат можности за материјална и социјална егзистенција.

Посебните права се уредуваат со закон.

Она што е суштинско во овој член е што е единствениот каде се именува Македонија и Македонски народ, што секако би било ирационално со Устав на Северна Македонија.

Грците според извори од Атина, сметаат дека еден член може да го падне договорот но и самата грчка Влада затоа што со него се потврдува дека измените во уставот па и промената на името се чисто козметички.

Поддржувачите на Преспанскиот договор го информирале премиерот Ципрас дека член 36 не смее да постои како таков, затоа што го опфаќа периодот од почетокот на Втората Светска војна кога Македонците немале држава и потврдува постоење на Македонска нација.

Заев според партиски извори се обидел да го корегира Македонија со Северна Македонија, но тоа наишло на огромно незадоволство во самата партија пред се, затоа што и СДСМ е директен наследник на Комунистичката партија на Македонија, дел на Комунистичката партија на Југославија кои се темелат на своето работење токму на Антифашистичката војна т.е. НОБ и Првоборците.

Поранешни пратеници, министри и високу функционери од СДСМ информираат дека ако се промени било што во член 36 како што во Преамбулата се промени дека во 1991 година граѓаните на Референдумот се изјасниле за самостојна и независна Северна Македонија, тогаш ќе се промени и Химната и националните симболи.

Она што ќе остане е знамето на партискиот мегафон Мирослав Грчев, кој последно е познат по тоа што со Талата Џафери си ги вработија децата во државни компании.