Општинските комитети на ВМРО-ДПМНЕ во скопските општини Центар и Карпош во само еден ден ги организираа процедурите потребни за исклучување од партијата на Сашо Мијалков и Никола Тодоров.

Процедурата во ОК Центар за Мијалков била извршена во еден ден.

Во понеделникот вечерта, партискиот ЦК донесе одлука да го исклучи Мијалков поради вршење притисок и уцени врз пратениците да гласаат за уставните измени, во вторникот наутро барањето стигнало во огранокот, а веќе попладнето бил свикан состанок на петчлената дисциплинска комисија

И поранешниот министер за здравство Тодоров бил исклучен едногласно, но добил шанса да ги искаже своите аргументи. 

Статутот предвидува дека дисциплнската комисија може, но и не мора да го повикува „обвинетите“.

Синоќа до рано по полноќ траела седницата на Дисциплинската комисија на Општинскиот комитет на ВМРО – ДПМНЕ во Карпош каде се расправало за барањето на ЦК за исклучување од партијата на Никола Тодоров.

Повикан бил и поранешниот министерот за здравство, кој добил шанса да ги искаже своите аргументи.

По изјавата, дисциплинската комисија едногласно одлучила дека тој грубо дејствува против програмските определби, целите и задачите на партијата, поради што е донесена мерка за исклучување од партијата.