Грипот не стивнува, и натаму голем бројот на лицата заболени од грип. Според извештајот од Институтот за јавно здравје, објавен на нивниот официјален веб сајт, стои дека во текот на изминатата недела (од 1 април до 7 април), во државава се регистрирани дури 283 заболени од грип, што е за 40,8 отсто помалку споредено со неделата пред неа кога беа регистрирани 478 заболени.
Во текот на изминатата недела не се регистрирани смртни случаи асоцирани со грип.
Регистрираната инциденца оваа недела укажува на ниска активност на вирусот на грип. Бројот на пријавени лица оваа недела е поголем за 56,4 отсто споредено со истиот период минатата сезона.
Оваа недела, во вирусолошката лабораторија на ИЈЗ пристигнати се 18 материјали за тестирање на грип, од кои седум (38,8 отсто) позитивни за присуство на вирусот на грип – четири Influenza A(H3), еден Influenza A(H1)pdm и два Influenza А несуптипизиран.
Изминатата недела најголем број заболени лица (191) се пријавени во најголемата возрасната група од 15 до 64 години, додека највисока инциденца од 17,9 на 100.000 жители е регистрирана кај возрасната група лица постари од 65 години
Оваа недела пријавени се заболени лица од 21 извештајни единици. Најголем број заболени лица се пријавени од Подрачната единица Гостивар (58) каде е регистрирана и највисока инциденца од 48,4 на 100.000 жители.
Во сезоната 2018/2019 вкупниот број заболени од грип изнесува 20.940. Во споредба со истиот период од минатата сезона (n=23.664), постои намалување на вкупниот број на пријавени случаи за 11,5%, а во однос на моделот за последните 8 сезони (n=26.046) се регистрира намалување од 38,6%.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.