Местото каде што падна малезискиот авион MH370 со 88 % сигурност, е идентификувано во камбоџиската џунгла, тврди истражителот Даниел Бојер.

Авионот на компанијата Малезија Аирлејнс исчезна 8 март 2014 година, на летот од Куал Лумпур до Пекинг со 239 патници, и до сега претставува најголема авионска мистерија во историјата.

Бојер верува дека ги пронашол остатоците од авионот во Камбоџа, со помош на слики од сателит и пратил тим во Камбоџа во почетокот на оваа година, меѓутоа не успеале да стигнат до тоа место. Меѓутоа и главниот човек кој го предводел тимот верува дека на тоа оддалечено место паднал авионот, а Бојер тврди дека тоа не може да биде ни еден друг авион, освен МH370.

Бојер рече дека тимот не успеал да дојде до местото што било приметено од сателитот, затоа што не било безбедно, како и дека му било речено дека тоа би можело да биде и друг авион, но сателитските снимки покажуваат нешто друго. 

Што би можело друго да го поремети ова место во џунгла кое е оддалечено километри од најблискиот пат, се запрашал Бојер.

Тој додаде дека и еден човек од неговиот тим разговарал со луѓето во Камбоџа, кои се присетиле, кога го виделе авионот кој се спуштил на истото подрачје како и местото на несреќата МH370.

На основа на податоците кои ги собрав со помош на тимот за испитување, сателитските снимки и историските податоци од камбоџиските авиони што паѓале на тоа место, ова е 99 отсто веројатно дека ќе биде идентификувано местото на авионската несреќа, кое е премногу оддалечено за пешачење, рече Бојер.