Од владејачките СДСМ и ДУИ неофицијално велат дека обезбедиле двотретинско мнозинство од 80 пратеници за отворање на Уставот, по иницијатива на владата за уставни измени согласно Договорот од Преспа.

Генерално, имаме обезбедено двотретинско мнозинство, но ништо не е сигурно додека не се потврди на гласање. – изјави пратеник на СДСМ, кој воедно е висок партиски функционер.

И од албанскиот партнер во владата – ДУИ истакнуваат дека начелно обезбедиле двотретинско мнозинство, но се на самата граница на неопходниот минимум.

Осумдесет пратеници се сигурни, ако нешто непредвидено не се случи во меѓувреме. – вели пратеник на ДУИ.

Пратеник од ВМРО – ДПМНЕ, пак, посочува дека засега нема индицикации дека некој од неговата пратеничка група ќе даде зелено светло за отворање на Уставот.

Скоро сите пратеници сме собрани во Клубот на пратеници и чекаме да почне седницата. – вели тој, додавајќи дека ќе гласа против, според, како што вели, волјата на граѓаните изразена на референдум.