Во дворот на црквата „Св. Богородица“ во Трново вчера се оджаа 47-та Семакедонска средба Трново 2018 и 38-та Погранична средба на Македонците од Егејскиот дел на Македонија.
Беа во организација на повеќе здруженија меѓу кои и Матицата на иселениците од Македонија, Здружението на Македонците од Егејскиот дел на Македонија во Битола, Светскиот Македонски Конгрес и други.
На народниот собир претседателот на Матицата на иселениците од Македонија Иван Џо Петрески истакна дека нивната организација нема да остане изолирана од актуелните општествено-политички состојби и, како што рече, нема да се дозволи Македонија да биде ничиј заложник.
За претседателот на Светскиот македонски конгрес Тодор Петров, неприфатливи се потпишаните договори меѓу Република Македонија и Република Бугарија, и меѓу Република Македонија и Република Грција, како и одлуката за референдум што ја донесе Собранието.
Архимандритот Никодим Царкњаз рече дека Македонија од античко време, па до денес е иста држава, нагласувајќи дека и Филип се родил тука во Битола.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.