Сензација на Мундијалот во Русија – светскиот шампион Германија не успеа да ја мине групната фаза, а денеска ѝ пресуди селекцијата на Јужна Кореја со триумфот од 2-0!

Проклетството на светскиот шампион продолжува – по Италија во 2010 и Шпанија во 2014, актуелниот светски шампион испадна во групната фаза и на овој Мундијал, па фудбалот ќе добие нов владетел!

Кобна за Германија денеска беше Јужна Кореја, која го доби натпреварот со два гола во финишот на натпреварот, иако Германците доминираа и имаа низа шанси при 0-0 кои не ги искористија.

На Германците во полза им одеше и резултатот на вториот натпревар, каде Шведска го совлада Мексико со 3-0, па така Мексиканците висеа до последен момент, бидејќи со триумф на Германците ќе беа елиминирани.

Инаку Националната екипа на Германија  е владеачки светски шампион и победник на Купот на конфедерации. Таа е една од најуспешните национални тимови во светот. Таа беше четири пати светски шампион (1954, 1974, 1990 и 2014 година), трипати европски шампион (1972, 1980 и 1996 година) и еднаш победник на Купот на конфедерации (2017). Исто така постојат бројни полуфинални натпревари и финалиња на светско и европско првенство. Националната фудбалска екипа е десет пати изгласан за германски тим од годината и е лидер во оваа статистика.