Владо Поповски, советник при Советот на Град Скопје од ВМРО – ДПМНЕ, денес ќе е главен оратор за промоција на Преспанскиот договор и поддршка за уставните амандмани.

Улогата на пофални зборови за укинување на државата чиј устав го пишуваше ќе го сподели со колегата Фрчкоски а гостин ќе им биде премиерот Зоран Заев.

Владо Поповски патем е професор на Правниот факултет во Скопје и македонски политичар.

Поповски бил министер зa одбрaнa, министер зa прaвдa, и директор (основaч) нa Агенцијa зa рaзузнaвaње нa Републикa Мaкедонија, како и член на Советот зa безбедност нa Републикa Мaкедонијa.

Во 1991 годинa бил член нa Стручнaтa групa којa го подготвила текстот нa Уставот на Република Македонија, онаа истата за која вечер ќе беседи дека треба да е Северна.

Професор д-р Влaдо Поповски бил еден од тројцата автори на работниот текст на Уставот на Република Македонија донесен на 17 ноември 1991 година, како и еден од тројцата овластени застапници на претседателот на Киро Глигоров, како предлагач за донесување на нов Устав на Македонија, во постапката за негово донесување пред уставната комисија на Собранието на Р. Македонија и во постапката на самото тоа Собрание.

Исто така, Поповски бил еден од двајцата советници на претседателот на Република Македонија, Борис Трајковски при донесувањето на Охридскиот рамковен договор и еден од двајцата негови застапници во постапката пред уставната комисија на Собранието и пред самото Собрание при донесувањето на амандманите на Уставот на Р. Македонија предложени од претседателот Трајковски врз основа на Охридскиот рамковен договор.

На двајцата споменати претедатели на Репбулика Македонија, како и на премиерот Никола Груевски, извесно време, им бил советник за правни и политички прашања.

Во два мандати бил член на Советот за безбедност на Р. Македонија од редот на членовите што ги именува претседателот на Републиката.

Во Владата на Република Македонија два пати бил министер за одбрана (1992 – 1994 година и 2001 –  2002 година), и министер за правда (1994 – 1997).

Поповски бил прв директор на Агенцијата за разузнавање на Р. Македонија (1997 – 1999 година) во кој период таа била основана и формирана како посебна установа во правниот и институционалниот систем на Република Македонија.