Oд 12 до 14 јули ќе се одржува традиционалната културно-туристичка манифестација „Галичка свадба“.

Годинава на Галичката свадба зет и невеста, ќе бидат Огнен Караѓозовски, по потекло галичанец и Марина Петровска.

Инаку парот беше избран од Месната заедница Галичник.

Својата љубов младенците ќе ја крунисаат низ сите обичаи кои ги наложува Галичката Свадба.

Со речиси триесетина обичаи Марина и Огнен ќе го одбележат својот незаборавен ден: одење по вода, изведување на ората Невестинско, Тешкото, бричење на зетот се само дел од нив.

Галичката свадба или Петровденската Галичка свадва — манифестација која се одржува секоја година на Петровден(12 јули) во селото Галичник на Бистра. Богата е со многу единствени свадбарски обичаи и ритуали. Во деновите на свадбата, пиштат зурлите и ечат тапаните на тешкото, со сиот подземен и надземен екот кон каменот на Бистра и небесниот свод. Тие придружници на печалбарите на овој крај на Македонија, секогаш ја најавуваат Галичката свадба која е со најмногу сватови. Галичката свадба во своето опстојување придонела да се негуваат единствените свадбарски обичаи и ритуали, на жителите од овој крај, да се сочувааат изворните песни, ора, и надалеку познатата галичка носија-изработена со филигранска прецизност и точност на терзиите. Секоја година посебна комисија избира двајца млади кои ќе се венчаат на Галичката свадба. Еден од предусловите е барем еден од младите да потекнува од Галично семејство.

Извор: ГостиварПрес