Во регионот Рјазан во Русија е воведена вонредна состојба поради пожарот што избувна денес во воениот магацин, објави гувернерот на регионот Николај Јубимов!
– Сега најважно е да ги заштитиме луѓето. Веќе е воведена итна ситуација во регионот – рече Јубимов, пренесува прес-службата на регионалната администрација.
Според гувернерот, ситуацијата е под контрола, а најлошото е минато.
Гувернерот додаде дека никој не загинал во пожарот, пренесува „Новости“.
Претставник на регионалната служба за итни случаи рече дека има повеќе од 110 магацини со ракети и артилериско оружје на територијата на воени магацини во регионот Рјазан.
Според него, дел од муницијата била на отворено се додека не избувнал пожарот.
Шефот на територијалниот оддел за медицинска катастрофа за Спутник изјави дека бројот на повредени при експлозиите во воените магацини се искачи на осум лица, од кои петмина останале во болниците!
Тој додаде дека немало сериозни случаи, освен едно женско лице, за кое беше објавено порано.
Претставникот на Службата за вонредни состојби посочи дека за населението кое е евакуирано од опасната зона, определени се пет места за привремено сместување со капацитет од 610 лица.
На едниот сега се сместени скоро сто луѓе, вклучително и 18 деца.
Руското Министерство за одбрана известува дека три гасни воза се вклучени во гаснењето на пожарот во магацинот.
Заменик министерот за одбрана на Русија, Дмитриј Булгаков, заедно со експерти, пристигна на местото на пожарот, изврши увид на територијата и ја процени ситуацијата. Булгаков претходно го прегледал регионот од хеликоптер Ми-8!
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.