Трагедија се случи на скопските улици, згасна млад животот во тешка сообраќајка. Идентитет на загинатото лице е познат.

Лицето кое загина е 38-годишниот скопјанец Д.П. Починал на лице место.

МВР информираше за тешкката сообраќајна несреќа.

-На 28.08.2019 во 03:48 часот било пријавено дека на булеварот „Александар Македонски“ во близина на клучка „Дијамант“ патничко моторно возило „алфа 147“ со скопски регистарски ознаки, управувано од Ф.Б. (22) од Скопје излетало од коловозот и удрило во дрво. Во незгодата сопатникот Д.П.(38) од Скопје, починал на местото на настанот. Возачот Ф.Б. се здобил со телесни повреди и бил пренесен во комплексот клиники „Мајка Тереза“.

Извршен е увид од СВР Скопје.

Уште една трагедија како резултат на сообраќајна несреќа, но овој пат се случила во Македонски Брод. Повредениот од сообраќајката починал при транспорт до болница.

На 27.08.2019 во 18:00 часот било пријавено дека на регионалниот пат Македонски Брод – с.Самоков, пред влезот за с.Ковче В.З.(46) од с.Растеш-Македонски Брод, управувајќи патничко моторно возило „голф“ со охридски регистарски ознаки, изгубил контрола и излетал од коловозот.

По незгодата возачот бил пренесен во Јавната здравствена установа – Македонски Брод, а оттаму во Општата болница – Прилеп, но при транспортот починал.

Увид на местото на настанот извршила екипа од Полициската станица Македонски Брод.

По наредба на Јавен обвинител телото на починатиот е дадено на обдукција.

Секојдневно расте бројот на жртви во сообраќајни несреќи, полицијата апелира да се вози внимателно и да не се управува во алкохолизирана состојба.