На денешното рочиште за случајот Рекет, кога се преслушуваа снимките доставени од бизнисменот Орце Камчев, ситуацијата беше тензична, објави тв 21.

Имено на денешното рочиште одбраната бара целосно да се презентираат доказите и да не се исклучи јавноста. Ваквото барање го отфрли судот,  поради приватност на разговорите, и заштита на приватноста на другите лица, рече дека ќе ја исклучи јавноста која ќе смета дека за тоа има потреба.

На ова реагираше и поранешната шефица на СЈО, Катица Јанева која е второобвинета во случајот Рекет. Таа рече дека обвинителството требало да мисли на приватноста на разговорите кога ги презентирало доказите, на што Вилма Рускоска и врати дека таа да мислела, немаше сега да биде на обвинителна клупа.

За да биде се така тензично, и Бојан Јовановски се приклучи на дебатата помеѓу обвинителките, и ја обвини обивнителката Рускоска дека монтирала случаи. По ваквото однесување, судијата даде последна опомена пред да ги отстрани обвинетите.

Во моментот се слушаат и снимки кои  како што рече обвинителката Вилма Рускоска, ги направил сега првостепено осудениот Зоран Милевски – Кичеец.

„Бараме да не биде исклучена јавноста во процесот. Бараме целокупното УСБ на Зоран Кичеец да биде презентирано денеска, и бараме да не бидат исклучени непријатните работи, за да се види кој манипулира, кој нуди рекет, кој нуди поткуп, кој е изманипулиран во интерес на јавноста“, рече Јанева на денешното рочиште.

На ова реагираше Јованвоски кој рече дека сака да биде отстранет од судница за време на емитувањето на тие разговори.