Министерството за одбрана на Венецуела утрово соопшти дека седум членови на екипажот загинаа при пад на воен хеликоптер во близина на Каракас.

При пад на воен хеликоптер во близина на Каракас, загинаа седум офицери, соопшти Министерството за одбрана на Венецуела. 

Како што е наведено во соопштението од министерството,  хеликоптерот летал од Каракас во сојузната држава Кохедес, каде што се наоѓаше претседателот Николас Мадуро.
Хеликоптерот се удрил во планина кај Каракас, а во него имало двајца потполковници и петмина офицери. Властите во Бенецуела ја испитуваат причината за падот на хеликоптерот.

На својот Твитер профил претседателот Мадуро напиша дека “длабоко жали поради несреќата“ и испрати сочувство до семејствата на загинатите.

На улиците во Каракас се случува хаос. Приврзаниците на Гуаидо пред  три дена се собраа на периферијата на престолнината, а како што пишуваа тамошните медиуми, упаднале и во воздухопловната база Ла Карлота. Наводно една група војници преминале на страната на Гуаидо.

Самопрогласениот претседател Хуан Гуаидо на Твитер профилот соопшти дека „нема назад“ и дека „Мадуро мора да падне“, додека актуелниот претседател истакна дека военото раководство им е верно на властите.
Пред резиденцијата на актуелниот претседател Мадуро беа насобрани негови приврзаници. Во Венецуела привремено беше блокиран интернетот, а и сообраќајот на подземната железница беше во привремени прекини.