Секторот за внатрешни работи Битола до ОЈО Прилеп поднесе кривична пријава против тројца српски државјани дека ја ограбиле златарницата во старата градска чаршија во Прилеп.

Како што информираат од МВР, во утринските часови вработената во златарницата „Бубамара“ го поставувала излогот и 35-годишен српски државјанин со чекан го скршил стаклото од вратата и влегол внатре.

По него влегол и неговиот 41-годишен пријател и ортак, кој вперил пиштол кон вработената и почнал да го собира златниот накит.

Полицијата се сомнева дека во грабежот биле замешани и двајца прилепчани. 
Со автомобил „форд фиеста“ другиот помагач ги чекал пред златарата и потоа побегнале од местото на настанот. 
Осомничените прилепчани им помагале на Србите со сместување, храна и мобилни телефони. МВР информира дека сите осомничени се приведени во полиција.