Утринава по налог на обвинителката за организиран криминал Вилма Рускоска, уапсен е државниот секретар во Министерството за информатичко општество, Јахи Јахија од Куманово.

Јахи Јахија од Куманово, осомничен за злоупотреба на службената положба и овластувања и за земање провизија од добиен тендер.

Според се уште неофицијални информации се работи за мито од десетици илјади евра, што Јахија го зел во 2014-2015 година.

Државниот секретар во Министерството за информатичко општество, Јахи Јахија е функционер на ДУИ.

Во моментов, секторот за организиран криминал и корупција од МВР врши претрес во просториите на МИОА, јавуваат вработени од министерството, од ДИК и од другите министерства што се во објектот.

Според очевидци од соседството на ЈахиЈахија, тој бил уапсен рано утринава и полицијата се задржала во неговиот дом, вршејќи претрес првин таму. Неофицијално во истрагата е опфатена и уште една поранешна раководителка.