Премиерот на Република Македонија, Зоран Заев во изјава по вечерашната лидерска средба изјави дека за утре закажува нова средба по барањето на лидерот на ВМРО-ДПМНЕ, Христијан Мицкоски на која ќе присуствуваат лидерите на четирите најголеми партии.

Премиерот меѓудругото рече дека недостоинствено е однесувањето на Мицкоски, како и тоа дека требало да седи рамо до рамо со сите партии.

Однесувањето на Мицкоски е навредливо и недостоинствено. Ако е за НАТО и ЕУ требаше да седи рамо до рамо до сите партии и да носи одлуки за нашите граѓани. Тој одлучи да избега од средбата и да избега од одговорност. Што е тоа што Мицкоски не е спремен да го каже пред сите лидери, а е спремен да го каже пред четирите лидери. Утре во 12 часот закажувам средба во помал состав на која Мицкоски ќе има можност да каже дали е за НАТО и за Еу и граѓаните да одлучуваат, рече Заев.