Седумдесет лица во земјава се заразени со коронавирус, објави пред малку министерот за здравство Венко Филипче.

Три ново дијагностицирани лица на ковид-19, со што вкупниот број на заболени во земјава достигна 70.

„Денеска се направени вкупно 43 тестирања, од кои позитивни се три, и сега вкупниот број на дијагностицирани се 70. Една пациентка која патувала во Србија, бабата на девојчето во Штип има позитивен тест, и уште еден пациент од Скопје, рече министерот.

Сите пациенти се со релативно стабилна лесна до средна клиничка слика, вели Филипче.

Пациентката од Дебар е единствена, во доцните часови навлезе во многу критична состојба. Се прават сите напори, но нејзината ситуација е покритична од тоа што беше во текот на изминатиот ден. Направена е домашна визита кај скоро сите пациенти коишто се на домашно лекување. Има пациенти коишто избираат да се лекуваат дома и да не бидат хоспитализирани.
Имаме само 1 пациент на респираторна машина. Нашата земја располага со 120.

Се претпоставува дека на илјада пациенти ќе има 50 на респираторна машина. Набавката е во тек, проблемот е што машините се запрени во Бразил со одлука на нивната влада. И Кина резервира 200 респираторни машини за Македонија. И во овој момент располагаме со голем број на респираторни машини. Во нашата земја вкупно се направени 888 трестови. Во овој момент лабораторијата располага со 140 диополнителни. Ќе бидат набавени 1000 и ќе имаме донација од 1000.