Најдобриот светски тенисер Новак Ѓоковиќ повторно е сместен во имиграциски притвор во Мелбурн каде ќе остане до официјалното сослушување на кое ќе биде одлучено дали ќе остане во Австралија или ќе биде депортиран, откако вчера втор пат му беше укината визата.

На подготвителното рочиште, одржано изминатата ноќ, судијата Дејвид О”Калахан го закажа сослушувањето пред австралискиот Федерален суд за вечерва во 23:30 по средноевропско време.

Судијата го прифати барањето на адвокатскиот тим на Ѓоковиќ одлуката да ја донесе тричлен совет, во кој покрај О”Калаган, ќе бидат и судијата Ентони Бесанко и врховниот судија Џејмс Алсоп.

Одлуката на тричлениот судски совет ќе биде правосилна.

Ѓоковиќ ноќта ќе ја мине во истиот имиграциски притвор во кој беше сместен минатата недела кога првпат му беше укината австралиската виза.

Српскиот тенисер Новак Ѓоковиќ одмара на Мелбурн Парк додека остануваат прашањата околу правната битка во врска со неговата виза за настап на Австралија опен во Мелбурн, Австралија, 13 јануари 2022 го
дина.

Тениската ѕвезда Новак Ѓоковиќ пристигна во истиот хотел во Австралија каде што беше задржан минатата недела, откако властите по вторпат му ја откажаа визата.

34-годишниот Србин, кој е невакциниран против КОВИД-19, на 15 јануари пристигна во хотелот во Мелбурн и таму ќе преноќи пред закажаното рочиште во Федералниот суд на 16 јануари за неговата жалба против депортацијата.

Се очекува од сослушувањето да се утврди дали Ѓоковиќ може да остане во Австралија и да се натпреварува за својата 10-та титула на Австралија опен и да го запише 21 Грен слем трофеј.

Светскиот број 1 и бранител на титулата сè уште е на распоредот да игра на турнирот кој започнува на 17 јануари, но правната постапка ги стави под прашање шансите да игра на турнирот.

Случајот сега е пред повисокиот суд откако министерот за имиграција Алекс Хок му ја блокираше визата, како што беше наведено „поради здравствени причини и добри причини врз основа на тоа дека било јавен интерес интерес да го стори тоа.

Министерот вели дека континуираното присуство на Ѓоковиќ во земјата може да „поттикне антивакцинација“.

Адвокатите на Ѓоковиќ тврдат дека владата „не наведе докази“ за да ги поткрепи нејзините тврдења и се жалат на, како што ја нарекоа, „ирационална“ пресуда.