Собранието на Република Македонија денес во 11 часот во сала “Македонија” ќе продолжи со работа по 53-тата седница на која како точка 12 од дневниот ред е и предлог Закон за изменување на Изборниот законик по скратена постапка кој нелегитимно доби Европско знаменце и на несоодветната Комисија за европски прашања ги отфрли сите 401 амандман поднесени од ВМРО – ДПМНЕ.

Ако се суди по редоследот законодавниот дом треба да продолжи со точка 4 или Предлог за разрешување на претседател и членови на Државната комисија за одлучување во управна постапка и постапка од работен однос во втор степен од 24-члениот дневен ред во кој до точка 12 има и 6 предлог Закони за дополнување и изменување од кои 2 се со Европско знаменце но и точка за Завршна сметка на Буџетот на Република Македонија за 2017 година.

Зависно од текот и исходот од преговорите кои започнаа со задоцнување добрите познавачи на политиките не ја исклучуваат можноста Талата Џафери да добие зелено светло да го измени дневниот ред и да го стави на гласање пред пратениците предлог Закон за изменување на Изборниот законик по скратена постапка за чие донесување се потребни 61 пратенички глас во поддршка.