Заев си остана на зборот. Ќе се оди на Референдум кој ќе биде консултативен и со прашање “Дали сте за членство во Европската унија и НАТО со прифаќање на Договорот помеѓу Република Македонија и Република Грција”

Референдумското прашање со ова е јасно дека двосмислено но е и правно грешно.

Прашањето за кое поддршка дадоа СДСМ – ДУИ и БЕСА точно гласи “Дали сте за членство во ЕУ и НАТО со прифаќање на Договорот помеѓу Република Македонија и Република Грција” иако правно Република Македонија не е потписник на таков Договор затоа што во истиот е именувана како “втората страна” каде се цитираат Резолуции на Обединетите Нации а првата страна јасно е наведено дека е Грција.

Ова значи дека одлуката на Референдумот дури и да се постигне излезеност од 50% плус еден гласач ќе има само консултативно влијание врз Одлуката на Владата и Собранието на Македонија но не и правно обврзувачко дејствие во понатамошните постапки.

Договорот за промена на името и одлуките кои ги носи со себе во законодавниот дом каде од потребните 81 пратенички глас Заев сега има 9 помалку ќе треба да се гласаат со 2/3 мнозинство.

Решението е донесено на денешната средба на Талат Џафери со координатите на пратеничките групи.

Ваквото решение на самиот почеток е пропаднат обид на Заев и Ахмети на мала врата да го реализираат Договорот за промена на името за што се и свесни. Зошто тогаш трошење на народни пари кога нема политички договор? Прашање кое за Заев очигледно не заслужува одговор!

По ова се очекува да се изјасни и ВМРО – ДПМНЕ. Партијата прво ќе треба да соопшти дали ќе присуствува на ваков вид седница на законодавнио дом.

ВМРО – ДПМНЕ како најголема политичка партија ќе мора да ја соопшти и Одлуката дали партијата ќе ги повика членовите – симпатизерите и граѓаните на бојкот што е се поизвесна по игнорантскиот став на СДСМ и ДУИ со двосмислени прашања да се стигне до промена на името на државата и негирање на идентитетот на Македонскиот народ.

Над 85% од Македонците се јасни во ставот дека прашањето треба да е она што во суштина и претставува Договорот со Грција познат и како Договор за промена на името: “Дали сте за промена на Уставното име на Република Македонија во Република Северна Македонија.”