Македонските ракометари до 18 години го победија Луксембург со 31:25 во второто коло од ЕХФ шампионатот во Грузија.

По вчерашната победа над Литавнија, македонските надежи денеска беа подобри од Луксембург. Првото полувреме беше изедначено, Македонија водеше, но противникот успеваше да изеначува, на полувремето се отиде со нерешени 14:14.

Рано во второто полувреме Македонија успеа да се одлепи на четири разлика 22:18 и до крајот на мечот не дозволи Луксембург посериозно да се доближи. Конечниот резултат гласеше 31:24 за нашите момчиња.

Најефикасен во нашата селекција беше Ненад Костески со девет голови, Кристијан Симоноски постигна седум.

Утре во 11 часот Македонија го игра третиот меч, противник ни се Фарските Острови против кои исто така сме големи фаворити.