Додека мерките воведени како резултат на вирусот корона полека се намалуваат, Светската здравствена организација предупредува дека САРС-КоВ-2 можеби и никогаш нема да исчезне“. Загриженоста за вториот и евентуално третиот бран на вирусот расте.

На почетокот се чинеше дека животот зад затворени врати ќе трае многу долго, можеби дури и до крајот на летото, но тогаш ситуацијата одеднаш се смени и мерките полека се олабавуваат. Најстрогите мерки се укинати во Германија, Шпанија, Грција и во други земји. Но, се зголемуваат загриженоста дека светот би можел да биде погоден од друг бран инфекции.

Веќе се појавуваат првите знаци на вториот бран на овој нов вирус корона: Кина и Русија бележат нови инфекции, па дури и во Јужна Кореја, која беше пофалена по првиот бран за успешно сузбивање на ширењето на епидемијата, луѓето повторно се заразуваат со САРС-КоВ-2 .

„Овој вирус може да се развие во друг ендемичен вирус во нашите општества. Можеби и никогаш нема да исчезне “, рече Мајк Рајан, директор на Програмата за итни случаи на Светската здравствена организација (СЗО), на прес-конференција.

Другите вируси, како ХИВ, едноставно не исчезнаа, вели Рајан. Но, научниците развија лекови кои го контролираат вирусот и им овозможуваат на заразените да живеат во соживот со патогенот. Многу малку вируси се искоренети, како што е вирусот сипаници.

Сите други вируси сè уште се меѓу нас. Некои повремено се враќаат – како што е туберкулоза. Ако погледнеме назад, ќе видиме дека вториот бран на пандемија може да биде многу полош од првиот.

Шпанскиот грип во 1918 година дошол во три големи бранови и се проценува дека однел 50 милиони животи. Пандемијата започна во март 1918 година. Бројот на жртви се искачи за време на вториот бран на крајот на истата година.

Центрите за контрола и превенција на болести (ЦДЦ) во Соединетите држави претпоставуваат дека вториот бран е одговорен за најмногу смртни случаи во Соединетите држави (земјата од која се смета дека потекнува  вирусот). На почетокот на 1919 година, дојде третиот бран и траеше до средината на таа година. Вирусот веројатно никогаш не исчезнал целосно.

Според една студија од 2006 година, сите случаи на грип А – грип што влијае на птици и цицачи – од пандемијата на шпанскиот грип биле „предизвикани од наследниците на вирусот од 1918 година“.

Со цел да се намали ризикот од нов бран на инфекции, Светската здравствена организација советува релаксацијата на мерките да се врши „постепено“, „засновано врз евиденција и докази“. На тој начин ќе има доволно време да се реагира на соодветен начин “, наведува СЗО.

„Ако болеста во земјите трае на ниско ниво, и ако нема доволно капацитет за истражување и идентификување на жариштата, тогаш постои опасност болеста повторно да избувне“. Во големите градови, камповите за мигранти, се места каде не постои можност да се одржи социјалното и физичкото растојание.

Сега, кога летото започнува во северната хемисфера, а Грција и Шпанија се надеваат на туристи и покрај вирусот, другиот бран би можел да нè погоди многу порано отколку што очекува. Ова се податоците на студијата што беше објавена во април во медицинскиот журнал „Лансет“.Како што стојат работите, можеби ќе треба уште еднаш да ги одложиме одморите.