По долго боледување денеска во Скопје почина Јасмина Спасовска, долгогодишен новинар во областа на културата.

Таа работеше како новинар во ТВ 24 Вести, а претходно беше дел од новинарската екипа на А1 телевизија.

Во својата новинарска кариера, Спасовска покриваше теми кои имаа за цел приближување на сите значајни културни, уметнички и општествени настани, не само до стручната јавност, уметниците и сите културни дејци во нашата земја, туку и на љубителите на културата и на општиот ТВ аудиториум.

Неодамна како последица од коронавирусот почина Шенол Ахмети, снимател и камерман од албанската редакција во Македонската радио-телевизија!

Ахмети беше долгогодишен снимател и камерман во МТВ, како и активен член во секцијата на сниматели при ЗНМ.

Ахмети е вториот медиумски работник кој е жртва на коронавирусот во Македонија.

На 1 јуни почина новинарот Беким Бајрамоски од струшко Лабуништа која работеше за локалната телевизија „Спектра“.