Лидерот на ВМРО-ДПМНЕ, Христијан Мицкоски, вчера го промовираше новиот извршен Комитет во кој е и истакнатиот инфектолог Вело Марковски кој јавноста можеше да го следи уште од почетокот на пандемијата со Ковид-19. Марковски беше постојано присутен во медиумите давајќи совети кои за мнгумина беа од голема полза.

Пред извесно време во интервју за Прес 24 Марковски говореше дека Владата неподготвено и неодговорно постапи од почетокот на пандемијата.

ПРЕСС24: Професоре на почеток сме од учебната година, а институциите се уште немаат јасна идеја како и дали ќе се одвива настава во образовниот процес. Дали не беше доволно цело лето за да се направи јасна програма како ќе учат децата?

Не само цело лето, туку од самиот почеток кога се донесе одлука за затварање на училиштата мораше да се анализира и прави стратегија за следната учебна година. Значи се изгубија неколку месеци во кои стручни луѓе врз база на направени анализи и добиени резултати пред се со скрининзи на одредени групи, и евидентирање на нивото на заштитни антитела. Нашите резултати да се споредат со искуствата на европските држави. Потоа мораме да размислуваме за една реална можност, да ако има втор или трет бран вирусот да биде многу повирулентен од моменталниот кој воопшто не ги загрозува/загрозуваше најмладите. Сето ова мораше сериозно да се анализира. За жал ние не се спремавме дека пандемијата ќе потрае, туку само носевме рестриктивни мерки, единствена стратегија ни беше дека треба да издржиме, а вирусот ќе се повлече.

Инаку во највисокото партиско тело на ВМРО-ДПМНЕ ќе бидат Гордна Димитриевска-Кочовска, Стефан Андонов, Рашела Мизрахи, Драган Ковачки, Марија Андоновска, а меѓу повратниците се и Антонио Милошоски и Владимир Ѓорчев.

Игор Јанушев повеќе нема да биде генерален секретар, поради како што рече Мицкоски лични причини, но останува како член на ИК.

Александар Николовски и Владо Мисајловски остануваат во ИК како и Коце Терајановски, Трајко Славевски и Дафина Стојановска, како и координатор на пратеничката група на ВМРО-ДПМНЕ во Собранието Никола Мицевски.