Вчера основниот суд во Белград стави крај на долгогодишното ривалство помеѓу двете српски диви Цеца Ражнатовиќ и Јелена Карлеуша.

Пејачките долго време се “препукуваа” во медиумите, а денеска судот ја прогласи за невина Цеца Ражњатовиќ по приватната тужба што против неа ја поднесе Јелена Карлеуша која тврди дека на едно претходно судење Цеца ја нарекла нарцисоидна и психички лабилна личност.

Во медиумите постојано се пишуваше за нивната расправија која се зголеми во моментот кога Јелена Карлеуша ја обвини Цеца дека стои зад убиството на Зоран Давидовиќ – Канда.

По ова тврдење на Карлеуша,  Цеца поднесе кривична пријава против неа.

За време на главниот претрес, на кој Карлеуша присуствуваше со нејзините адвокати, исто како и Цеца, судијата ја прашал Ражнатовиќ дали може да претпостави зошто Карлеуша изнела такви обвинувања против неа. Цеца изјавила дека само нарцисоидна и психички пореметена личност може да каже такво нешто во јавноста.

Нејзината изјава тогаш беше внесена во записникот, а Карлеуша подоцна поднесе приватна кривична тужба.

Иако денеска Цеца беше ослободена од обвиненијата, сепак Карлеуша има право на жалба на пресудата.