Светски познатиот џез, фанк и соул изведувач Владимир Четкар, подготвува извонреден празичен подарок за охриѓани и посетителите за Денот на народното востание, 11 Октомври, пренесува Ohridnews!

Имено, Владимир Четкар секстет на градскиот плоштад во Охрид на 11 Октомври во 13:00 часот ќе одржи бесплатен концерт, кој е во организација на Град Охрид и е од отворен тип.

Ве очекуваме заедно да уживаме во музиката и во прекрасното октомвриско сонце! – порачуваат Владимир четкар и неговите колеги.

Четкар долги години живее во Њујорк, САД, и настапува во светски познати џез-клубови.

Тој е чест гостин на многу музички настани низ светот, а пред неколку години во рамките на својата светска турнеја одржа концерти и во Хонгконг, Кина, Јужна Кореја и во Сеул!

Исто така на почетокот на оваа година македонскиот џез-музичар Владимир Четкар, одржа бесплатен концерт на плоштадот во Охрид.  

Настанот беше во организација на општината Охрид, како дел од програмата ,,Охрид ве очекува“.