Брзата помош од денеска ќе има на располагање дополнителни пет возила, кои го доби од армијата, за справување во битката со коронавирусот.

Во кругот на поликлиниката Букурешт денеска беа предадени воено санитетски возила од Армијата на времено користење на јавното здравство со цел да се помогне во справувањето со пандемијата и грижата за населението.

Од денеска на располагање имаме 5 болнички возила од Армијата кои ќе ги користиме за транспорт на пациенти. Се заблагодарувам на министерката Шекеринска и началникот на генералштабот за мобилизацијата на Армијата да помогне во справувањето со ковид-19 кризата.

Оваа помош ќе го зголеми бројот на тимови кои ќе бидат на располагање за брз транспорт на пациенти, а во возилата ќе се користат и транспортните респиратори кои ги добивме како помош од НАТО, рече Филипче!