Доналд Трамп е американскиот Никола Груевски, вели на социјалните мрежи новинарот Миленко Неделковски!

Го изнесе народот на улица (се сеќавате на ИЛИНДЕН 4), и пред 5 минути им кажа, ај сега доста е, одете си дома.

Безмалку исто како што Груевски на 28-ми сабајлето побара апсење на оние што влегоа низ вратата што Крсто ја отвори, вели Неделковски!

Педесет и седум отсто Американци сметаат дека претседателот Доналд Трамп треба да биде сменет веднаш, по протестите оваа недела, кои се претворија во насилство на Капитол.

Анкетата на Ројтерс покажа и дека седум од 10 гласачи кои гласале за републиканскиот претседател го осудиле однесувањето на екстремните приврзаници на Трамп кои упаднаа во Конгресот, каде се разгледуваше потврдата за победата на демократот Џозеф Бајден на претседателските избори.

Американскиот претседател Доналд Трамп вчера нагласи дека неговите поддржувачи и сите Американци кои гласаа за него на изборите во 2020 година во САД ќе имаат „многу силен глас уште долго време“.

„75.000.000 големи американски патриоти кои гласаа за мене, Америка на прво место и ние ќе ја направиме Америка повторно голема, ќе имаат многу силен глас уште долго време. Тие нема да бидат непочитувани или третирани неправедно на кој било начин и форма”, објави Трамп на Твитер.

Веднаш по објавата, социјалната мрежа итно му го укина профилот!

Откако неговите приврзаници упаднаа на Капитол по насилни протести во Вашингтон во средата, Трамп вети дека ќе обезбеди „уредена и непречена“ транзиција на власта на новоизбраниот американски претседател Џо Бајден на 20 јануари.