Градоначалникот на општина Дебарца, Зоран Ногачевски е функцинерот на СДСМ што во неделата предизвикал тежок инцидент на натпревар меѓу општинска фудбалка лига.

Ногачевси, заедно со уште едно лице кое било одговорно за безбедност на напреварот физички го нападнале главниот судија.

Инцидентот се случил во неделата на фудбалското игралиште во село Волино, општина Дебарца, за време на фудбалски натпревар помеѓу два фудбалки клуба од најниската македонска фудбалка лига.

Градоначалникот не бил уапсен за физичкиот напад а синоќа и покрај десетици сведоци МВР не објави дека против него е поднесена сооветна пријава.

Скандалот со градоначалникот го открија членови на СДСМ кои бараат неселективна правда за сите граѓани.

Од МВР го потврдуваат случајот и велат дека работат на негово расветлување.

На 28 октомври оваа година, во 14 часот и 25 минути, во СВР Охрид било пријавено дека на фудбаското игралиште во село Волино, општина Дебарца, за време на фудбалскиот натпревар помеѓу фудбалските клубови „Сатеска“ од селото Волино и „Охрид Лихнидос“ од Охрид, З.Н.(52) и С.Б.(36), двајцата од село Волино, физички го нападнале главниот судија на натпреварот. – стои во полицискиот билтен.