Унгарија возврати на театарот кој вчера го приреди Европскиот парламент кој усвои своевидни резолуции за екстрадиција на поранешниот премиер Никола Груевски, назад во Македонија.
Официјално се огласија од кабинетот на унгарскиот премиер, Виктор Орбан, со став дека такви претстави се за во театар, можеби циркуз но не и за сериозни држави каде владее правото а не политичките – партиски одлуки.
Резолуцијата на Европскиот Парламент, со која се бара Унгарија да го екстрадира екс премиерот, Никола Груевски, нема никаква важност. – вели Државниот Секретар за меѓународна комуникација на кабинетот на Виктор Орбан, Золтан Ковач.
Во интервју за телевизијата, „Ехо“, Ковач појаснува дека Европскиот парламент не треба да се меша во правните работи на земјите.
Постапката за политички азил на Груевски не е политичка, туку правна работа.
Европскиот парламент нема никаква врска со екстрадицијата на Груевски и она што го прави е дека го пика носот таму каде што не му е местото.
Верувам дека мнозинството пратеници гласаа за резолуцијата, иако тие немаат никаква врска со случајот Груевски. Најголемиот грев на Груевски е што изгради ограда и застана во одбрана на Европа од тероризмот и миграцијата. – изјави Ковач
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.