На 6-ти јуни 2019 во четврток и за прв пат во Македонија, концерт во живо на кој маестралниот холандски музичар ќе настапи со неговиот, Оркестар Јохан Штраус, кој воедно е и најголемиот приватен оркестар на светот.

Во пресрет на премиерната средба со македонската публика, славниот Андре Руи вчера испрати и специјален видео поздрав за своите фанови во Македонија, снимен на подготвоките за овој ексклузивен музчки настан, а со кој ѕвездата воедно и наговестува бројни изненадувања за скопскиот концерт.

Концертите на Андре Риу се огномет од емоции. На речиси 100 концерти годишно, Риу гарантира совршена забава со светски познатите, романтични и мелодии полни со душа како и со бројни изненадувања, хумор и првокласни интернационални солисти. Заедно со неговиот 60-член Јохан Штраус Оркестар, најголемиот приватен оркестар на светот, харизматичниот Холанѓанец речиси 30 години го обиколува светот.

Меѓу останатите земји, во рамки на ланската светска турнеја Андре Риу настапи и во С.А.Д, Канада, Аргентина и Австралија, како и во Велика Британија. Со цел да се организира патувачката рута и превозот на неговата огромна продукција помеѓу континентите, сите фантастични костуми, инструментите и сценската конструкција постојат во четири идентични поставки.