Големата ѕвезда на Мерцедес, Луис Хамилтон го освои денешното Гран При на Кина, третиот круг од сезоната 2019 во Формула 1.

Луис Хамилтон петкратниот светски шампион  го освои годинешното Гран При на Кина, во третиот круг од сезоната 2019 во формула 1.

Хамилтон започна втор, но уште на излез од првата кривина го претекна клупскиот колега Валтери Ботас и прв ја поведе колоната. Луис се до крајот на трката, не остави шанса на болидите зад себе и со лесна тактика го контролираше растојанието пред вториот Валтери во цела трка.

На тој начин Британецот го смени на првото место пилотот од Финска и веќе е лидер на табелата со шест поени предност.

За третото место успеа да се избори Себастијан Фетел, за кого ова е прв подиум од почетокот на оваа сезона.

Четирикратниот светски шампион прво мораше да се справи со тимскиот колега Шарл Леклер, а подоцна се одбрани од најбрзиот во оваа фаза од трката во Шангај, Макс Верстапен.

Холанѓанецот го претекна со својот Ред Бул, но атрактивниот контранапад од страна на Себ на крајот му го донесе третото место во финалето.
Верстапен не успеа да ја исполни заканата и да му врати на Фетел по вчерашниот спор меѓу нив во квалификациите и остана зад него на четвртата позиција. Леклер не успеа да ги нападне првите тројца и заврши на одлично петто место.