Државната изборна комисија денеска ќе го дистрибуира доверливиот изборен материјал до општинските изборни комисии, за престојните избори кои ќе се случуваат во недела на 21 април.
Караванот на ДИК за дистрибуција на материјалите ќе тргне од Битола, откако доверливите изборни материјали ќе бидат подигнати од печатницата „Киро Дандаро“.
Оттаму ќе продолжи со дистрибуција во сите 80 општински изборни комисии, а како што посочија од Комисијата за МИА дистрибуцијата треба да заврши до крајот на денот.
Инаку на полноќ истече рокот во кој избирачите кои на денот на гласањето се наоѓаат на издржување мерка куќен притвор можат да се пријават до Општинските изборни комисии.
Тие, како и болните и изнемоштени лица, внатрешно раселените и лицата кои се наоѓаат во казнено поправните установи гласаат на 20 април, ден пред одржувањето на изборите. На 20 април гласаат и избирачите кои на денот на изборите се на привремена работа или престој во странство.
Во текот на денешниот ден во Државната изборна комисија гласаат членовите на Избирачките одбори во Дипломатско-конзиларните претставништва и тоа во периодот од 7 до 19 часот.
Државната изборна комисија ДИК извести дека на шестите претседателски избори право на глас имаат 1.808.131 избирачи. За претседател ќе биде избран кандидатот што добил мнозинство гласови од избирачите што гласале доколку гласале повеќе од 40% од избирачите.
Во недела заклучно од 7 часот до 19 часот, ќе се одржуваат шестите по ред претседателски избори на кои граѓаните ќе го дадат својот глас за еден од тројцата кандидати, Стево Пендаровски, Гордана Силјановска Давкова и Блерим Река.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.