“Сакам јако тело,сакам да земам протеини за да накачам маса ,само стомачни и голем задник доста ми се! ”

Секојдневните разговори што ги слушаме во скопските теретани. Има различни типови на луѓе во теретани. Ќе ги класифицираме во групи ,а секој од вас ќе може да се пронајде,па можеби и да преземе нешто за да се поправи кон подобро.
1.Група-Ѕверови
Луѓе кои во буквална смисла се ѕверови.Без разлика дали станува збор за мажи или жени овој тип на луѓе ја имаат сериозно сфатено својата работа зошто доаѓаат во теретана.Вежбаат фокусирано и ги постигнуваат резултати водејќи здрав начин на живот.

2.Група-Трачари
Овие луѓе одат во теретана со придружба.Мажите обично одат со другари за да имаат некој да им помага со теговите,а пак жените за да имаат со кого да си прават муабет помеѓу серија ,а кога ќе се изморат од разговори си одат дома.Па подобро би било тие муабети да ги оставите за на кафе.

3.Група-Сликари
Ова се луѓе на кои би им пропаднало вежбањето или нема да им се смета одењето во теретана ако не споделат слика на социјалните мрежи.Имаат совршено обликувано тело ,па затоа и имаат со што да се пофалат

.
4.Група-Мрзливи
Едноставно кажано одат да вежбаат “ради реда” или за да пополнат време.Не водат здрав животен стил ,така што после теретана одвај чекаат да се почестат со вкусен сендвич или слатко.

5.Група-Фитнес пар

Заљубениот пар кој уживаат да ја делат својата пасија,и да комбинираат вежби заедно.

6.Група-Заведувач

Човек кој ја користи теретаната како место да си најде поубава половина.