МВР поднесе пријава поради сомнение за сторено кривично дело фалсификување на документ. Кумановската полиција  кривична пријава ја поднесе против 47-годишник од село Лојане, инаку враборен како полициски службеник во Полициската станица за граничен премин Табановце.

Како што се дознава,  пријавениот и во минатото извршил фалсификување на диплома за завршено средно образование, издадена од средното училиште „25 Мај“ од Прешево, Србија. Тој веќе на почетокот на 2003 година, ваквата диплома  ја приложи во Министерството за одбрана при склучување на договорот за вработување како професионален војник. Истата особа , кон средината на 2005 година ваквата диплома ја употребил и при склучувањето договор со МВР, со што пријавениот добил работен однос како полицаец.

Основното јавно обвинителство Куманово веќе на  7 јули 2005 годиниа поднело обвинителен  акт против пријавениот поради постоење сомнение за сторено кривично дело фалсификување на исправа, односно диплома, а во врска со употребата на наведената лажна диплома при засновање работен однос.

По ова, на 19.3.2007 година Основниот суд Куманово донел пресуда со која го осудил пријавениот како виновен за што не го известил Министерството за внатрешни работи.