Неколку патници се здобија со лесни повреди кога на авионот Јунајтед ерлајнс му експлодирале гумите при слетувањето на аеродромот во Њуарк, американската сојузна држава Њу Џерси.

Како што пренесува агенцијата АП, авионот на лет 627 од Денвер со 166 патници по експлозијата на гумите се лизгал на пистата додека не запрел. Се уште нема детални информации за случајот.

Минатиот месец се случи авионска несреќа кога руски авион беше „погоден од гром“, а сите преживеани беа евакуирани за 55 секунди.

Авионот, сухој суперџет-100, го напуштил аеродромот во 18:02 по локално време во неделата, упатен кон Мурманск. Неговата екипа испратила сигнал за опасност кога дошло до „дефекти“ во лошите временски услови кратко време по полетувањето.

Авионот потоа се обидел да изврши две принудни слетувања. На првото приоѓање авионот се движел премногу брзо, а на второто автоматските системи потфрлиле, објави руската новинска агенција Интерфакс.

Патниците и екипажот во авионот што мораше да изврши принудно слетување на московскиот аеродром, велат дека бил погоден од гром неколку моменти пред да се урне.