Лидерите на денешната средба за некои прашанња успеаа да ги приближат ставовите, а за нелои не објави на својата Фејсбук страна претседателот на ВМРО-ДПМНЕ, Христија Мицкоски.

Сакам да Ве информирам дека после неколкучасовниот состанок што го имавме во скратен формат, онака како што беше пракса во минатото, разговаравме генерално за оние теми коишто веќе се познати на јавноста, а се дел од оние преговори коишто започнаа таму некаде март, април месец оваа година. За некои од темите имаме приближување на ставовите, за некои немаме приближување во ставовите. Се договоривме генерално во недела навечер или во понеделник наутро да ги продолжиме разговорите во овој формат, да видиме како ќе се развиваат, па понатаму ќе дискутираме околу деталите.

Инаку ја користам оваа прилика исто така да кажам определен мој впечаток којшто не се темели на чувства туку заложби на ВМРО-ДПМНЕ, а тоа се вистинските европски вредности и принципи, а не само декларативни заложби. Доколку навистина се стремиме кон европските вредности и принципи така треба и да се однесуваме и истите вредности не само декларативно да ги соопштуваме туку и да ги применуваме на дело.

Треба да се почитуваат законите и Уставот и да превираме било каков обид да се изигра волјата на граѓаните.

Што подразбира тоа? Тоа подразбира почитување на законите и почитување на Уставот и да превенираме било каков обид да се изигра волјата на граѓаните, односно да се поставуваат повеќе смислени прашања за круцијални теми за кои што ние како граѓани сме загрижени за иднината на оваа држава, вели во објавениот статус после лидерската средба Мицкоски.