По вчерашниот притисок кој го почувствува Министерот Венко Филипче, особено на социјалните мрежи каде речиси сите бурно реагираа на веста за промена на полот , сега министерот се предомисли.

Очигледно влијаеа коментарите од граѓаните кои беа едногласни дека многу болни дечиња кои не можат да се лекуваат во земјава молат кај хуманите граѓани за парична помош а тие даваат 15 илјади евра за промена на полот, по што Венко Филипче се предомисли и од Министерството за здравство доцна вчера испратија соопштение до медиумите во кое стои дека  „оперативен зафат за промена на полот нема да постои на сметка на Фондот за здравствено осигурување и таков зафат нема да се изведува во јавна здравствена установа“.

Ваквото соопштение најверојатно беше резултат на лавината реакции во јавноста, по објавувањето на веста од страна на министерот за здравство Венко Филипче  дека операциите за промена на полот отсега ќе бидат на товар на Фондот за здравство, а нема да се плаќаат приватно како досега

Но граѓаните револтирани од ваквата одлука му порачаа на Филипче дека има многу поприоритетни случаи во Македонија кои чекаат и молат за парична помош преку СМС пораки.

Но се уште останува мистерија дали Филипче парите кои ги планираше за промена на полот ќе ги пренасочи за лекување на оние кои најмногу им се потребни.