18 лица се повредени во силно невреме, кое беше проследено со град со големина на портокал, што денеска го зафати италијанскиот град Пескара.

Како што известуваат Италијанските медиуми, повредените се однесени во болница, со повреди на глава и модрици.

Во силното невреме кое ја зафати Италија, паднале и двестегодишни борови дрва во близина на Равена.

По страшната бура во Пескара, улиците се претворени во реки на неколку локации.

Големото невреме што изминатите два дена ја зафати целата земја Италија, предизвика незапаметени поплави.

– Особено сум загрижен поради силните дождови, бидејќи можат да предизвикаат нови поплави и лизгање на земјиштето во Италија – изјави метеорологот Тајлер Роуз.

Според најавата на метеоролозите, утре повторно се очекува ново невреме во јужна и југоисточна Европа.