Целиот Балкан остана во шок по монструозното злосторство кое се случи во Хрватска, убиени се шест лица.

Медиумите пишуваат дека ова е незапаметено злосторство кое се случи во Хрватска и ги шокираше дури и искусните полицајци кои на вакви случаи работат и по 30 и повеќе години.

Убиецот Игор Наѓ неколку часа по шесткратното убиство е пронајден мртов во Брезовица, 10 километри од местото во Загреб на кое уби три жени, двајца мажи и дете (10).

Масакрот го преживеа десетмесечното бебе.

Како што пренесуваат медиумите, Игор Наѓ работел како таксист. Неговата „шкода октавиа“ е пронајдена по крвавото злосторство.

Најверојатно се работи за случај на семејно насилство во кој мажот ја убил поранешната жена и нејзинот нов партнер. Се сомнева дека мотив за ужасното злосторство е љубомора.