Румен Петков, лидерот на партијата Алтернатива за бугарска преродба (АБВ) ја коментираше расправата со Македонија околу македонскиот јазик. Петков, вели дека е прашање на време кога југозападниот сосед на Бугарија ќе побара деол од нејзината територија?!, пренесува expres.mk.

Ние инсистираме за инсистуционален став за ова прашање. Ни во Обединети нации, ни во Европска унија, нема белгиски или австралиски јазик, што тие земји и нивните жители нормално го доживуваат. Потребно е да се разјасни прашањето за заедничката историја, а сето останато е беспринципиелност на Бојко Борисов пред Брисел“, изјави Петков.

Според првиот човек на партијата основана во 2014 година од поранешниот бугарски претседател Георги Прванов, на овој начин Скопје наскоро може да постави и територијални барања.

Територијалните претензии се само прашање на ден, смета Петков.

Бугарската Академија на Науките пред извесно време донесе одлука дека македонскиот јазик е бугарски дијалект. Бугарската Влада директно го негираше постоењето на македонскиот јазик и инсистираше на историска амнезија на нашите граѓани, тврдејќи дека тие никогаш не биле фашистички окупатори во Македонија.

По ова премиерот Зоран Заев за медиумите откри дека во план е да оствари средба со бугарскиот премиер Бојко Борисов по Нова Година односно би требало да се одржи на почетокот на 2020 година на која, како што рече, ќе разговараат отворено и пријателски, а не да се префла, кој прв кажал.