Овој викенд како и на почетокот од следната недела, нашата територија ќе биде под влијание на стабилна и сува воздушна маса.
Времето ќе биде сончево со мала до умерена локална облачност. Ветерот од северен правец полека ќе ја намалува својата брзина.
Наутро ќе биде доста студено со минимални температури кој ќе се спуштаат во интервалот од-10 до -2 степени, понекаде истите ќе се спуштаат и до -13 степени. Максималните дневни температури ќе се искачуваат во интервалот од 1 до 10 степени.
Пораст на температурите на воздухот ќе има на почетокот од следната недела, во најтоплите предели тогаш максималните дневни температури се очекува да се искачат и до околу 15 степени.
Во пораст се очекува да бидат и минималните температури на воздухот.
Подготви: Славчо Попоски
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.